10325297_669479526434646_8870986500097262189_n

Autor: Carlos Ferreira;

Título: Alforgicas 2013;

Madeira: amieiro (Alnus glutinosa);

Medidas: h29x18;

Peso: 600gr;

Adornos: alforgicas an lhana feitas por Albertina Moreno;

Retrato: Luis Borges.
A las bezes deixamos medrar ua lhéngua-capulho i queixales-colhunudos, i botamos l semblante feito perro a fecundar ls mundos de ls outros. Médran-mos angúrrias de coutela nas ceilhas i tiesta i çpinduramos brincos-alforgicas nas oureilhas, pa anqueixonar palabras résias sien amprenhar puls oubidos! Outras bezes basta oubirmos, i yá anchimos uas alforjadas de sabedorie: hai dies! Se calha l melhor ye mesmo ua risica branca que mos lhiebe até un lhugar sien amelhigos!


Autor: Carlos Ferreira;

Título: Çape 2013;

Madeira: cortiça (Quercus suber);

Medidas: h38x22;

Peso: 400gr;

Adornos: franja de colcha an lhana feita pula tecedeira Irene Castro;

Retrato: Luis Borges.

 

La maçcarilha mais antiga que se conhece, ten nuobe mil anhos. Ye tamien desse tiempo la purmeira associaçon coincida antre bixanos i houmanos. Sagrados pa ls eigípcios, hoije, se fúren negros, puoden andar de patas dadas cun bruxas i outros spritos. Por séren ls mais eificazes caçadores, dan-se al luxo de drumir mais de 20 horas. Apáran siempre de pie i ténen siete bidas. Nun hai por esso, bida cumo la dun gato, i ye sabido de todos: ls ratos nunca s’acabaran!


1926844_661911757191423_2724381330430810898_n

Autor: Carlos Ferreira;

Título: Negro Mouro 2013;

Madeira: amieiro (Alnus glutinosa);

Medidas: h31x21;

Peso: 380gr;

Retrato: Luis Borges.

NEGRO MOURO

“…Olhos sossegados,
Pretos e cansados,
Mas não de matar.
… Pretidão de Amor,…”.
Nun era de la scraba Bárbela que querie falar! Mas pronto, mesmo nun pseudo-anganho, l grande Luís queda siempre bien!
Habie un tiu mui rico de Sendin: Africano d’alcunha. Yá se morriu. Tenie uas roças de café an San Tomé, dezien que buona parte la ilha era del. Siempre m’ancantou la sue quinta de Porto Mourisco: apegaba cul Angueira an Teixeira. Miu pai iba to ls anhos de geira a podar para el. Habie alhá ua culidade de ubas de comer, que nun s’ancuntrában an mais lhado nanhun. Nunca deixaba lhebar baras d’anxertie als podadores: a la nuite rebistaba to las alforjicas! Miu pai agarraba meia dúzia de baricas na mano, fazie que iba a cagar, i scundie-las na pierna de las ciroulas: tenien atilhos al fondo, cumo las de l Dantas.
Por estas i outras, miu pai nunca gostou de l tiu, i quando fala nel, diç: “l tiu era rui pieça. Dízen que tenie uns pretos nas roças de San Tomé, i que ls fazie trabalhar cumo negros, que nien mouros!”
Surrealismos? Nien pensar: solo na maçcara!


1511372_660840033965262_8937380528874582031_n

Autor: Carlos Ferreira;

Título: Sengo Azul 2013;

Madeira: amieiro (Alnus glutinosa);

Medidas: h20x17;

Peso: 300gr;

Retrato: Luis Borges

SENGO AZUL

“Wish You Were Here
So, so you think you can tell
Heaven from hell?
Blue skies from pain?
Can you tell a green field
From a cold steel rail?
A smile from a veil?
Do you think you can tell?”
Tratando-se de maçcarilhas, dou lhibardade total a la mie traduçon:
“Gostarie Que Stubiras Eiqui
Anton, anton achas que saberies çferenciar
Cielo d’Einfierno?
Cielos azules de delor?
Saberies çferenciar un campo berde
Dun friu carril d’aço?
Dua risica de máçcara?
Achas que saberies çferenciar?”
À!!, nien to la giente ten de coincer Pink Floyd, nien saber que la mais frie de la quelores ye l azul, nien saber que Leonardo da Vinci screbiu l “Tratado de la Pintura i de la Paisaige: Selombra i lhuç”, nien saber que nun stá frie la mie maçcara, porque eilha “…pon l sangre a golsiar de las palabras…”


Autor: Carlos Ferreira;

Título: Smile 2013;

Madeira: amieiro (Alnus glutinosa);

Medidas: h23x21;

Peso: 620gr;

Retrato: Luis Borges.

Nien que nun quérgamos anda la ruodra! Naturalmente chega mais un Maio, ponemos gorro i óclos d’aparar sol, i las serpientes sálen, caléçan-se i mátan fames grandes cumo eimbiernos quelobreiros: smile.


Autor: Carlos Ferreira;

Título: Fonso Anriques 2013;

Madeira: amieiro (Alnus glutinosa);

Medidas: h24x22;

Peso: 650gr;

Retrato: Luis Borges.

FONSO ANRIQUES FALABA MIRANDÉS?

Claro que si. Bei-se ne l jeito de la boca: mintira!
Anton you splico:
1. La lhéngua mirandesa ye lionés: falou-se ne l Reino de Lion antre l seclo X i XIV;
2. Fonso Anriques era nieto de Fonso VI, rei de Lion, que falaba lionés: el, la sue corte, forales i decumientos de l reino;
3. Era filho de Dona Teresa de Lion, que falaba lionés: eilha i la sue corte;
4. Era primo de Fonso VII de Lion, cun quien assinou l tratado de Zamora, i durante la assinatura de certeza que falórun dambos lionés;
5. Claro que Fonso Anriques tamien falarie l pertués daquel tiempo, que Egas Moniç le ansinou an Lhamego: siempre fui normal ls reis i gobernates faláren bárias lhénguas.
Apuis you perguntei-le al miu Fonso Anriques:
– Porque stais cun essa boca amode bózio?
E el repundiu-me:
– ALHEBANTAI-BOS giente misaráble dun paíç que you fundei. Uns anfieles a la democracie, que bos stan a poner de zinolhos, probes i smirradicos, percísan ser mandados pa l raio que ls parta: ALHEBANTAI-BOS… i ls de Miranda, nun seiades tristes, mesmo sentados, falai cumo you…
Stais a ber cumo el me respundiu an mirandés!


Autor: Carlos Ferreira;

Título: Calhado 2013;

Madeira: amieiro (Alnus glutinosa);

Medidas: h28x18;

Peso: 600gr;

Retrato: Luis Borges.

L SILÉNÇO DE LAS ALDÉS

Sabeis onde queda Bale Puorco? Meniai-bos, porque daqui a pouco, yá nun lo ancuntrareis! Talbeç inda acheis l BIELHO pintado nua piedra: pura arqueologie cuntemporánea!
Ouniu-se la antiga freguesie a la de Mogadouro, outra maneira de dezir que s’acabou. Nun ye esta ua sarna que le tocou solo a Bale Puorco! To las aldés súfren desta peste, de nun saber ancuntrar l camino que lhieba a la fertelidade prometida pula simulada serpiente. You tamien cuntribui pa l ampobrecimiento: deixei perder la salamanquesa!
I apuis, sien miedo de cuornos aguçados, la mintirosa queluobra çfriou ne l sou azul, i l miu BIELHO calhado, anfilou ls uolhos acontra l baziu…


Autor: Carlos Ferreira;

Título: Prouísta 2013;

Madeira: amieiro (Alnus glutinosa);

Medidas: h29x17;

Peso: 450gr;

Testo: Amadeu Ferreira;

Retrato: Luis Borges

DE L CHOCALHEIRO DE BEMPUOSTA AL GALHO DE BARCELOS
OU LA SENSUAL RESPIRAÇON DUA MAÇCARILHA
uns beiços de sangre son chamados para portalada de l retrato, sien outro ambolbimiento que uns uolhos a rasgar suonhos, un nariç apersentado an áncora capaç de ampedir que çcoincidos mundos séian lhebados al dius dará, uns colhones a nacer an beiços que son un eicesso deilhes mesmos, ua cabeçuda serpiente a ancaixilhar la boca i a anquelibrar l rostro, uns fálicos dientes a modo de bico, cun gana de fecundar mistérios, que nunca hemos de ser capazes de amprenhar i fazer nacer: nesto, dá te la gana de jogar a la china i saltar al çocopie seguindo la lhinha de las chinas brancas, quales ampossibles prumas arrincadas a un Galho de Barcelos, nun camino a arramar de sensualidade i de bida, cun ua hounestidade de géstios que nun pássan de risadas delantre de achegas, an balde, a ua anquelibrada splicaçon.


Envie-nos uma mensagem

Caso tenha alguma questão não exite em contactar-nos.